Квалификацияны жогорулатуу багытында окутуулар жүрдү

         Кышкы каникул мезгилинде Илимий-изилдөө медициналык-социалдык институттун окутуучуларына, Ош мамлекеттик университетинин педагогикалык квалификацияны жогорулатуу бөлүмү тарабынан түзүлүп, бекитүүгө сунушталган жадыбал боюнча 2020-жылдын 6-11-январь күндөрү, атайын курстук-семинар өткөрүлдү. Мындай окутуулар, жаш жана үйрөнчүк окутуучулардын, студенттерге тиешелүү деңгээлде билим берүүсүндө педагогикалык квалификациясын жогорулатуу максатын көздөдү.
         Жалпысынан институттун 26 окутуучусу катышууда, атайын сертификат берилди. Жадыбалда көрсөтүлгөн маалыматка ылайык, Ош мамлекеттик университетинен келишкен тренерлер: пед.и.к., доцент  А.Б.Батыралиев “Педагогиканын жалпы негиздери”, психология и.к., профессор А.З.Закиров “Жалпы жана педагогикалык психология”, ОшМУнун окутуучусу М.Н.Былыкова “Окутуунун жаңы технологиялары жана баалоо каражаттары”, ОшМУнун окутуучусу Ө.Р.Имаралиев “Интерактивдүү досканы жана техникалык каражаттарды пайдалануу ишмердиги” темасында окутууларды өтүштү.
         ОшМУнун педагогикалык квалификацияны жогорулатуу бөлүмүнүн башчысы, А.Б.Батыралиевдин белгилөөсүндө: “Биздин бөлүмдүн тиешелүү лицензиясы болгондуктан, техникалык, медициналык, юридикалык, педагогикалык жана башка багыттагы адистиктер боюнча окутуучулардын педагогикалык квалификациясын жогорулатуу багытында окутууларды түштүк аймакта жайгашкан ЖОЖдордо жана орто окуу жайларда жүргүзөбүз. Окутуулар тажрыйбалуу адистер тарабынан өтүлөт” – деп белгиледи.
         ИИМСИнин “Билим берүүнүн сапаты” бөлүмү тарабынан демилгеленип, уюштурулган бул окутуулар тууралуу, бөлүмдүн башчысы А.А.Дороев: “Биздин институт жаңы ачылгандыгына байланыштуу, биздин медициналык адистиги бар кээ бир окутуучуларыбыз үчүн педагогикалык жана психологиялык квалификациясын жогорулатуу менен студенттерге талапка ылайык билим берүүсүнө көмөктөшүү багытында, бизде көптөгөн окутуулар, тегерек стол, семинарлар  уюштурулуп жатат. Жогоруда белгиленген тажрыйба алуу багытындагы окутуулардын уюштурулуп, өткөрүлүшүнө окуу жайыбыздын жетекчилиги өзгөчө көңүл бөлүүдө”-деп билдирди.









Окутууда заманбап усулдарды колдонуу

Окуу жылдын биринчи жарым жылдыгын жыйынтыктоо алдынды “Студенттерди окутууда заманбап  усулдарды колдонуу” аталышындагы семинар 26-декабрь күнү болуп өттү. Бул семинарда Табигый-гуманитардык дисциплиналар кафедрасынын тажрыйбалуу окутуучулары сабак өтүү ыкмалары боюнча баяндама жасашты. Атай кетсек: Л.С.Кочкорбаева “Сабакка план жазуунун заманбап структурасы”, В.Э.Анарбекова   “Сынчыл ойлом ыкмалары”, А.А.Адышева “Техникалык каражаттарды пайдаланып сабак өтүүнүн ыкмасы”, С.М.Өскөнбаева “Сабак өтүүдө оюндардын ролу” аталышта, мазмундуу баяндамалары катышуучулардын кызыгуусун арттырды. Семинардын жүрүшүндө ИИМСИнин ректору, ф.-м.и.д., профессор К.Б.Тампагаров сөз сүйлөп, ушул багытта окутуулар көп уюштурулуп, тажрыйба алмашуу иштери жүргөнү маанилүү экендигин белгиледи. Окуу иштери боюнча проректор тех.и.к., доцент Р.Н.Орозов; Илим, мамлекеттик тил жана социалдык иштер боюнча проректор М.Р.Нарбаев; Билим берүүнүн сапаты бөлүмүнүн башчысы А.А.Дороев; Окуу бөлүмүнүн башчысы Т.К.Нарымбетов студенттерди окутууга өзгөчө көңүл бөлүү менен заман талабына ылайык окуу-методикалык ыкмаларды колдонуу бүгүнкү күндүн талабы деп белгилешти. Иш-чаранын жыйынтыгында тажрыйба алмашуу багытында окутуулар,  экинчи жарым жылдыкта да ийгиликтүү улантуу демилгеси колдоо тапты.











 “Ардактуу профессор” наамы ыйгарылды


Илимий-изилдөө медициналык-социалдык институтунун Окумуштуулар кеңешинин 2019-жылдын 29-ноябрында кабыл алган №19/4 чечимине ылайык, Билим берүү жана илим кызматкерлеринин профсоюзунун Борбордук Комитетинин төрагасы  А.Т.Токтогуловго жана Ош шаардык “Жамал” атындагы медициналык клиниканын жетекчиси, м.и.к., доцент Ж.А.Ормоновага “ИИМСИнин ардактуу профессору” наамы ыйгарылды.

Жогоруда аты аталган инсандарга наам ыйгаруу салтанаты, институттун жамаатынын катышуусунда 25-декабрь күнү өткөрүлдү. Салтанаттуу жыйындын жүрүшүндө, институттун профсоюз уюмунун төрагасы К.Болотбеков келген коноктор менен жамаатты тааныштырды. Андан соң  ардактуу наам алган инсандардын таржымалы жөнүндө кыскача видеотасма көрсөтүлдү. 





Салтанаттуу жыйынды ачып берген ИИМСИнун президенти, Жаңыбай Арынбаев келген конокторго ийгилик каалап, куттуктады жана “ИИМСИнин ардактуу профессору” наамынын атрибуттары болгон аттестатты, академиялык мантияны жана конфедератканы тапшырды.





Келген конокторго сөз берилип, Ош шаарында жайгашкан заманбап “Жамал” медициналык клиникасынын жетекчиси, м.и.к., доцент Жамал Ормонова, институттун жамаатына ыраазычылык билдирип, бул институттун келечеги алдыда, биздин клиника менен кызматташуу жакшы ийгиликтерди алып келээрине ишенем деп, жамаатка “заманбап материалдык-техникалык база менен камсыздалган окуу-жайдан мыкты адистерди даярдап чыгарышыңыздарга тилектешмин” деген пикирин билдирди.  

Ал эми, Билим берүү жана илим кызматкерлеринин профсоюзунун Борбордук Комитетинин төрагасыТоктогулов, өз кезегинде жалпы жамаатка ыраазычылык билдирип, келе жаткан жаңы 2020-жыл менен кызуу куттуктап, ийгилик каалады. Мындай сыймыктуу жана жоопкерчиликтүү наам алуу, ИИМСИ менен байланышта болуп, дайыма биргеликте кызматташууга милдеттендирет деп, белгиледи. Анын айтымында, бүгүнкү рыноктун шартында, заманбап шарттар түзүлгөн окуу жай, мындан да даражасы жогорулап эл аралык деңгээлге көтөрүлүшүнө толук мүмкүнчүлүктөр бар. БУУнун маалыматын карасак, билим берүү тармагы адамзаттын келечегин аныктай турган багыт деп таанылган. Японияда мугалимдерге мамиле өзгөчө, тилекке каршы бизде агартуу багыты тиешелүү денгээлде колдоо табалбай келет. “Алланын сүйгөн пендеси билим берүүгө кызмат өтөйт, -деп айтылгандай, Сиздер билим берип, тарбиялаган адистер, ички дүйнөсү терең, өзүнөн мурда ата-энесине, жакындарына күйгөн мыкты инсан болушат деп ишенем. Ушул жылы чечилбеген маселелер болсо, кийинки жылы аткарылсын. Өз тажрыйбам менен бөлүшүп, колумдан келишинче жакындан жардам бергенге даярмын. Жамаатка ийгиликтер болсун!” – деп билдирди А.Токтогулов.


Салтанаттуу бөлүктүн жыйынтыгында, “Жалпы медициналык дисциплиналар” кафедрасынын башчысы, М.Жуманалиева жаңы ыкма менен интерактивдүү 3D виртуалдык анатомиялык окуу-лекциялык комплекстин жардамында жыйындын катышуучуларына көрсөтмө сабак өттү.

Келген коноктор окуу-жайдын жалпы абалы менен таанышып, жылуу ой-пикирлерин билдиришти.  
















Тарых жана ата-бабаларды эскерүү күнүнө

арналган кереге кеңеш

         2019-жылдын 17-декабрында Илимий-изилдөө медициналык-социалдык институтунун Табигый-гуманитардык дисциплиналар кафедрасы “Совет мезгилиндеги өнүгүүнүн мурасы жана 30-жылдардагы саясий репрессиянын кесепеттери” аталыштагы тегерек стол уюштурду. Анда шаарыбыздагы жогорку окуу жайлардын беделдүү окумуштуулары чакырылды.

Айдаркулов К.А. – т.и.к., доцент ЖАМУ. 1916-жылдагы көтөрүлүш кыргыз элинин Улуу боштондукка болгон аракети.; Сулайманов Э.Ж. – т.и.к., доцент ЖАМУ. Кыргыз интеллигенциясынын репрессиядагы курмандыктары.; Мырзабаева Н.С. – т.и.к., ага окутуучу ЭАУ (К.Ш.Токтомаматов ат. Эл аралык университети). Кытайга качкан кыргыздардын абалы.; Бейшенбаев Ж.Ж. – ага окутуучу, УББА (Укук бизнес билим берүү академиясы) 30-жылдардагы репрессиянын кесепеттери жана азыркы коомго тийгизген таасири.;Умарова М.К. – окутуучу ЖАМУ. Жалал-Абаддагы педагогикалык окуу жайдын репрессия мезгилиндеги кадр саясаты.; Анарбекова В.Э. – т.и.к., доценттин м.а. ИИМСИ. Үркүн мезгилиндеги азаттык идеяларынын кошоктордо сүрөттөлүшү – деген темаларда баяндама жасашып, профессордук-окутуучулук курамга жана студенттерге кызыктуу тарыхый маалыматтар менен ой бөлүшүштү. Кереге кеңештин жыйынтыгында резолюция кабыл алынды. Мындан ары жыл сайын окуу жайда окутуучу жана студенттердин катышуусунда “Ата-бабаларды эскерүү” максатында илимий конференция жана тегерек стол кеңири форматта өтүү сунушталды.

 








Аалам багынткан Айтматов!

Даанышман,  элдин урпактары да даанышман, акылман чыгат деген сөз бекеринен айтылбаса керек. Кыргыз эли эчен кылымдардан бери замандан заман карытып, кээде чөксө, кээде ташы өйдө кулап, өсүп-өнүгүп жаткан технология заманына жетип келди. Өзүнүн басып өткөн жолунда канчалаган улуу, акылман, баатыр уулдарды, кыздарды тарбиялады, алар эли-жерине кызмат кылып, дүйнөнү таң калтырды. Ошолордун сап башында турган, 20-кылымдын ойчулу, дүйнө эли суктануу менен караган, калеминен жөнөкөй  аңгемелерден баштап укмуштуудай философияга карк романга чейин жаралган жазуучубуз - Ч.Айтматов.

          Ар жылы кыргыз эли эле эмес, дүйнө эли улуу жазуучубуздун туулган кунүнө арнап ар кандай иш-чараларды өткөрөт.  Биздин институттун Табигый-гуманитардык дисциплиналар кафедрасынын кыргыз тили, орус тили, англис тили окутуучуларынын демилгеси менен  даанышман жазуучубуздун  туулган күнүнө  карата "Ч.Айтматов кечээ, бүгүн жана эртең" деген аталыштагы театралдаштырылган адабий-музыкалык кече өткөрүлдү. Кечеде Өзбекстандан, Тажикстандан, Пакистандан келген студенттер кыргыз, орус, англис тилдеринде жазуучубуздун чыгармаларынан кыскача театралдаштырып, көркөм-өнөр сересинде көрүүчүлөрдүн купулуна толду. Айтматовго арналган ар кандай арноо ырларын көркөм окушуп, жазуучубузду даңазалашты. 






















“Илимий виртуалдык” лаборатория ачылды


Болочокто сапаттуу кадрларды даярдоодо студенттер үчүн акыркы заманбап технологиядагы жабдуулар менен камсыздалган виртуалдык лаборатория түзүлүп, салтанаттуу ачылышы 20-декабрь күнү өттү. Билим берүүнүн сапаты бөлүмүнүн башчысы А.А.Дороев институттун профессордук-окутуучулар курамына перезентация жасады.

Аталган виртуалдык лаборатория, келечекте сапаттуу  жогорку квалификациядагы медицина багытындагы кадрларды даярдоого жана изилдөөчүлөрдүн, магистранттардын, аспиранттардын илимий изилдөө иштерин жүргүзүүсүнө максатталды. Бул виртуалдык лабораторияда Интернет желесине туташтырылган заманбап компьютерлер аркылуу жана электрондук базада “Микробиология, вирусология жана иммунология”, “Гистология, цитология, эмбриология”, “Медициналык биология, генетика, паразитология”, “Нормалдуу физиология”, химия жана башка дисциплиналарга тиешелүү маалыматтар жүктөлгөн.



Билим берүүнүн сапаты бөлүмүнүн башчысы А.А.Дороев: “Виртуалдык лаборатория илимий изилдөө иштер менен алектенгени келгендер үчүн эле эмес, студенттерибизге жана профессордук-окутуучулук курам  үчүн да абдан зарыл окуу каанага айланат деп ишенемин. Анткени, эксперименталдык лабораторияда клеткалардын морфологиялык, ультраструктуралык өзгөчөлүктөрүн, биологиялык касиеттерин эксперименталдык түрдө аныктоого жакшы шарт түзүлгөн. Сабак өтүү үчүн  ыңгайлуу шарттарды түзүп, керектүү материалдык-техникалык жабдуулар менен камсыздаганы  үчүн институттун жетекчилигине, профессордук-окутуучулар курамы жана студенттер өз ыраазычылыгын билдиришти”- деп белгиледи.

Бүгүнкү иш-чарага институттун Администрациялык кеңешинин курамы, табийгый гуманитардык жана жалпы медициналык дисциплиналар  кафедраларынын жамааты катышты.    






Дени сак жашоо-биздин ураан!


Бүткүл Дүйнөлүк СПИДке каршы күнүнө карата, Илимий-изилдөө медициналык-социалдык институттун “Жалпы медициналык дисциплиналар” кафедрасынын студенттери үчүн, чакыруу менен келген атайын адис  тарабынан түшүндүрүү иши өткөрүлдү. Бул иш-чаранын катышуучулары, аталган илдет тууралуу кеңири маалымат алышты жана ар кандай суроолорго жооп алышты. Маалымат берүүчү адис, бул жугуштуу илдет негизинен кан аркылуу жугаары тууралуу атайын даярдалган слайд аркылуу баяндады. Маалымат берүүчү адис, бул жаман илдеттен сак болууну жана дени сак жашоого үндөп, ооруну алдын алууга чакырды. Ошондой эле, студенттер келечекте ден соолук сакчылары болгондуктан, алган маалыматтарын жакындарына жана тааныштарына жеткирүү сунушталды.





Кайрымдуулук көрсөтүлдү

ИИМСИнин Табигый-гуманитардык дисциплиналар кафедрасынын кызматкерлери менен биргеликте медицина багытында окуган 2-курстун студенттери 6-декабрь күнү Жалал-Абад шаарындагы нейрохирургия - психикалык ооруканадагы мүмкүнчүлүгү чектелген өспүрүмдөрдүн абалынан кабар алышып, жакындан жардам көрсөтүп келишти. 










Самаркандка сапар ийгиликтүү болду

 

2019-жылдын 25-26-ноябрь күндөрү Өзбек Республикасынын Самарканд шаарында жайгашкан Жибек жолу университетинде “Tourism and education: ways of their interaction and development” деген аталышта Эл аралык илимий-практикалык конференция болуп, ИИМСИнин окутуучулары илимий баяндама жасашты.

Ошондой эле медицина адистигинде окуп жаткан студенттердин практика өтөөсү үчүн Самарканд шаардык көп тармактуу областтык оорукана жана Сыр Дарыя областтык ооруканасы менен келишимдер жана Самарканд мамлекеттик медициналык окуу жайы менен да ИИМСИнин ортосунда студенттер, окутуучулардын ортосунда мобилдүүлүк боюнча дагы келишим түзүлдү.




“Кичи футбол” мелдеши өттү


   Ушул жылдын 2-5-декабрь күндөрү, спорттун “Кичи футбол” түрү боюнча 1-курстун студенттеринин арасында спартакиада уюштурулуп өттү. Жалпысынан 24 тайпанын студенттеринен турган 24 команда катышты. Жыйынтыгында финалга чыккан 3 команданын ичинен  1-орунду ээлеген ЛДк-11-19 командасына “I Даражадагы диплом”, “I Даражадагы медаль», «I Даражадагы кубок» жана команданын мүчөлөрүнө футболчулар үчүн спорттук кийимин ИИМСИнун илимий иштер боюнча проректору Р.М.Нарбаев тапшырды. Кийинки 2-орунду ээлеген ЛДк-21-19 командасына “II Даражадагы диплом”, “II Даражадагы медаль», «II Даражадагы кубок» жана футбол тобу менен Билим берүүнүн сапаты бөлүмүнүн башчысы А.Дороев тапшырды. Ал эми 3-орунду ээлеген ЛДк-8-19 командасына “III Даражадагы диплом”, “III Даражадагы медаль» жана стол үстүндөгү теннистин бир жуп ракеткасын ТГД кафедрасынын башчысы В.Анарбекова тапшырды. Мындай спорттук иш-чара “Дени сак жаштар!” темасында СПИД жана кургак-учук илдетин алдын алуу максатында өткөрүлдү. “Табийгый гуманитардык дисциплиналар” кафедрасынын “Дене тарбия” сабагынын окутуучусу Базарбай Айдарбек уулу: “Студенттер арасында уюштурулган спорттук мелдештин түрлөрүн дайыма өткөрөбүз. Бул иш-чаралар студенттерди жакындан таанышууга жана алардын достошуусуна өбөлгө түзүп аларды кичи пейилдүү, кечиримдүү, боорукер болуусуна тарбиялайт. Бул жолку мелдештен жеңүүчү курама командаларынын арасынан эң мыкты оюнчулары тандалып ИИМСИнун курама командасы түзүлөт. Келечекте шаарыбыздагы ЖОЖдор аралык мелдештерге катышат”- деп билдирди.







“Конок лектор” биздин институтта

       Тажрыйба алмашуу багытында ИИМСИда Андижан мамлекеттик медициналык институтунун “Медициналык биология жана гистология” кафедрасынын доценти, медицина илимдеринин кандидаты, Алиев Хусниддин Махмудович 27-28-ноябрь күндөрү студенттерге лекция өттү. Тажрыйба алмашуу максатында, академиялык мобилдүүлүк программасынын алкагында келген медицина жаатындагы илимпоз, Х.Алиев, “Адам организминдеги нерв ткандарынын эмбрионалдык өөрчүшү” темасында лекция өттү. Конок лектор, Хусниддин Алиевдин айтымында, Ош шаарында жайгашкан медициналык окуу жайларда, мындан бир нече жыл мурда жогоруда белгиленген темада окутууларды өткөн. Ошондой эле, гистология жана эмбриология багытында окутууларды уюштуруп, өткөрүп келүүдө. Бул жолку иш сапарында эки күндүк окутууга  ИИМСИнин төрт жүздөй студенттери катышкан.

      Белгилей кетсек, Жогорку окуу жайлар менен болгон Академиялык мобилдүүлүк багытындагы Эл аралык келишимге ылайык, мерчемделген иш-чара боюнча, алгачкы “Конок лектор” Хусниддин Алиев болду.







Мерчемделген окутуулар өтүлүүдө


Илимий-изилдөө медициналык-социалдык институтунун тажрыйбалуу жана үйрөнчүлүк окутуучулары үчүн белгиленген “Окутуучулар үчүн практикалык, лабораториялык жана клиникалык практика сабактары боюнча усулдук иштелмелердин түрү” аталыштагы семинар Билим берүүнүн сапаты бөлүмү тарабынан өткөзүлдү. Семинардын негизги максаты, жаш окутуучулардын студенттерге сапаттуу билим берүүсү үчүн окуу методикалык колдонмолорду, дидактикалык, таркатылуучу материалдарды түзүүгө жана аны колдонуусуна  багытталган. Семинардын негизги мазмуну катары практикалык жана лабораториялык сабактарды өтүү формалары, структуралары боюнча түшүнүк берилди.

Сапат бөлүмүнүн башчысы, А.Дороев: “Билим берүүнүн сапатын жогорулатуу максатында ар жыл сайын  окуу методикалык комплекстерди, практикалык иштелмелерди түзүүдө, жаңы инновациялык технологиялардын ыкмаларын пайдалануу жолу менен жогорку деңгээлде теориялык, практикалык жана лабораториялык сабактар талапка ылайык өтүлүшү керек. Бардык практикалык иштелмелер, аккредитациянын талабы боюнча белгиленгендей, мазмундары мамлекеттик стандартка, түрдүү компетенцияларга дал келүүсү зарыл. Бул семинардын материалдары институттун сайтына жайгаштырылган, дареги төмөнкү шилтенмеде көрсөтүлгөн.  http://nimsi.kg/mod/forum/discuss.php?d=13  Биздин бөлүм тарабынан жогоруда белгиленген мазмундагы семинар-окутуулар иш-мерчемге ылайык жүргүзүлүп келет”- деп билдирди.

Бул жолку семинарга “Жалпы медициналык дисциплиналар” кафедрасынан 25тей окутуучулар катышты жана өз суроолоруна жооп алышты.




Биздин студенттер Жаштар фестивалына катышышты


Бишкек шаарында  Enactus Кыргызстан (мурдагы SIFE) бирикмеси тарабынан өткөрүлгөн “Ишкерлик жана ишкерликтик билим берүү Жаштар фестивалы” аталыштагы фестивалга ИИМСИнин студенттик командасы менен алардын эдвайзеры Азамат Калиев катышып келишти. Бул фестиваль Кыргызстандын баардык аймактарынан келген жаштар менен белгилүү инсандардын катышуусунда “Ишкерликтик билим берүү жана Кыргыз Республикасындагы жаштардын ишкерлигин өнүктүрүү” темасында ийгиликтүү тажрыйбаларды талкуулоо максатында уюштурулган.  Бул фестивалга 25 окуу жайдын студенттери катышып, долбоор даярдап, келген командалар ишкерлик натыйжалары боюнча тажрыйбаларын ортого салышты. Адатка айланып, жылда өткөрүлүп жаткан бул фестиваль, ишкерлик багытында билим алуу жана финансылык сабаттуулукту жогорулатууну көздөйт. ИИМСИнин студенттерин жетектеп алып барган, “Табигый -гуманитардык дисциплиналар” кафедрасынын окутуучусу, экология илимдеринин кандидаты Азамат Калиев: “ИИМСИнин ректору ф-м.и.д. профессор Тампагаров Куштарбек Бекмуратовичтин колдоосу менен ENAKTUS Кыргызстан эл аралык долбооруна мүчө болуп катышып келдик.  Студенттердин идеялары менен инвестиция тартып, институтубузду өнүктүрүүгө чоң мүмкүнчүлүк болот деп ишенебиз! Ал эми, кызыккан профессордук-окутуучулук курамды ЕГД кафедрасына  кызматташууга чакырабыз!”-деп билдирди.




14-ноябрь – Бүткүл Дүйнөлүк диабетке каршы күрөшүү күнү


Жыл сайын өткөрүлүп келе жаткан бул күн, 2007-жылы БУУнун (A/RES/61/255 резолюциясынын) жетекчилиги алдында белгиленген. Бул документте “адамдын ден-соолугун чыңдоо жана коргоодо медициналык кызматтарга  мүмүнчүлүк алуу багытында маалыматты ар тараптан күчөтүү жана жайылтуу” максаттуу деп таанылган.    

Илимий-изилдөө медициналык-социалдык институттун студенттери менен биргеликте атайын флеш-моб жана түшүндүрүү иш-чарасы 19-ноябрь күнү өткөрүлдү. Иш-чаранын ачылышында ИИМСИнун ректору, ф.-м.и.д., профессор К.Б.Тампагаров сөз сүйлөп, кант диабети илдети боюнча өтүп жаткан иш-чара, медициналык багытта билим алып жаткан студенттер үчүн маанилүү экенин белгилеп, уюштуруучуларга ыраазычылык  билдирди. Бул иш-чарага Жалал-Абад облустук үй-бүлөлүк дарыгерлер борборунун башкы эндокринологу Эркинбек Салиев, Жалал-Абад шаардык үй-бүлөлүк дарыгерлер тобунун эндокринологу Мухабат Дадабаева, медициналык кызматкерлер жана “Кызыл Ай” коомунун, РСК банктын жана “Берлин Хеми” фармкомпаниясынын өкүлдөрү болуп, жалпысынан 300дөн ашуун адам катышты.

Флеш-мобдун жыйынтыгынан кийин, студенттерге жана медициналык кызматкерлерге “Кант диабети жана метаболикалык синдром (семиздик синдрому)” темасында окутуулар жүрдү. Облустук башкы эндокринолог Эркин Салиев: “Жалал-Абад облусу боюнча 2019-жылга 9 айдын жыйынтыгы менен 1-типте 341, 2-типте 8791 жалпысынан 9132 кант диабети менен ооруган оорулуулар көзөмөлдө турушат. Өткөн 2018-жылга 1-тип 321, 2-тип 8411, жалпысынан 8090 оорулуу көзөмөлдө турушкан. Алардын ичинен 2018-жылында 14 жашка чейинкилер 54, 2019-жылга 9 айдын жыйынтыгы менен - 57 ге жеткен” – деп билдирди.













Cтуденттик күн менен 1-курстарды кабыл алуу аземи белгиленди

 

        Акыркы жылдары Жалал-Абад шаарына кошумча көрк берип турган өзгөчө жай шаар тургундарынын көңүлүн өзүнө буруп келүүдө. Биз сөз козгогон жайда чет өлкөдөн келген студенттер жашаган “Student town» башкача айтканда “Студенттердин шаарчасы” жаштар байырлаган жайга айланды. 17-ноябрь Бүткүл Дүйнөлүк студенттер күнүнө арналган иш-чара, ушул шаарчада орун алган концерттик-залда илимий-изилдөө медициналык-социалдык институттун студенттери тарабынан 16-ноябрь күнү жогорку деңгээлде уюштурулуп, өткөрүлдү. Иш-чараны институттун ректору, ф.-м.и.д., профессор  К.Б.Тампагаров ачты жана куттуктоо сөзгө чыккан  инститтун президенти, э.и.к, профессор Ж.Т.Арынбаев, бул майрамдын келип чыгыш тарыхына токтолуп, студенттерди окууда, коомдук жана маданий иштерде алдыда болууга чакырып, ийгилик каалады.


        Салтанаттуу иш-чаранын жүрүшүндө, окуудагы жетишкен ийгиликтери жана маданий, коомдук иш-чараларга активдүү катышкан студенттер “Ардак грамота” менен сыйланышты жана 1-курстун активдүү  студенттерине “Студенттик билет”, “Сынак китепчеси” жана “Билим ачкычы” символикалары салтанаттуу ыйгарылды. Иш-чара концерттик программа менен уланды. Студенттер алгач, кыргыз ыр-бийлерин көрүүчүлөргө сунуштап, андан кийин өздөрүнүн улуттук өзбек жана пакистан элдеринин элдик ыр-бийлерин тартуулашты. Шаңдуу өткөн иш-чарага жалпысынан алты жүздөн ашуун студенттер катышты. Бул иш-чара студенттерге жана көрүүчү болуп олтурган профессордук-окутуучулар курамына жагымдуу, майрамдык маанай жаратты.




















Белгилей кетсек, Чехословакиянын студенттери өз өлкөсүнүн түзүлгөн күнүн белгилөө үчүн чыккан демонстрация учурунда медицина факультетинин студенти Ян Оплетал 1939-жылдын 28-октябрында улутчул фашисттердин огунан каза болгон. Анын өлүмү жаштардын кайрадан каршылык акцияларарына чыгууга түрткү берген. 17-ноябрда кармалган жүздөгөн демонстранттардын ичинен Чехословакия Студенттер кеңешинин тогуз активисти эч кандай соту жок атууга кетишкен. Гитлердин буйругу менен согуш аяктаганга чейин чех окуу жайларынын бардыгы жабылган жана мүлкү конфискацияланган. Эл аралык студенттердин күнү 1946-жылы 17-ноябрда Чехиянын борбору Прагада Студенттердин дүйнөлүк конгрессинде белгиленген.

 

 


                                       Студенттер бекер юридикалык жардам ала алышат

    

“Мамлекет кепилдеген юридикалык жардам жөнүндө” мыйзамдын иштөө тартиби боюнча түшүндүрүү иш-чарасы илимий-изилдөө медицинкалык-социалдык институтунун студенттерине 18-ноябрь күнү болуп өттү. Аталган иш-чарга 150дөй студент катышты. “Саит Ата” коомдук уюмунун жетекчиси, Азамат Калиевдин белгилешинде, жогоруда аталган мыйзам убактылуу Кыргызстанда жашап, билим алып жаткан студенттерге да жайылтылат, б.а. алар толук кандуу адвокаттардын кызматынан пайдаланууга акылуу. “Мамлекет кепилдеген юридикалык жардам жөнүндө” мыйзамы 2016-жылы кабыл алынган, мында жарандарды юридикалык жардам менен камсыздоо маселеси каралган. Мындай, юридикалык жардам борборлору ар бир райондордо ачылып, аз-камсыз болгон үй-бүлөлөргө, мүмкүнчүлүгү чектелүү инсандарга жана юридикалык кызматка муктаж жалпы эле жарандарга акысыз кызмат көрсөтүп келе жатышат. Республикалык деңгээлде   Жалал-Абад областтык юстиция башкармалыгынын башчысы Капашев Эрмек баардык адвокаттар менен жумуш алып барат. Биздин коомдук уюм, жогоруда белгиленген мыйзамдын ишке ашуусуна мониторинг жүргүзөт. Ар бир райондордо лицензия алган адвокаттар жарандарды тейлеп келүүдө. Жалал-Абад областы боюнча, учурда 75 адвокат лицензия менен иштеп, муктаж адамдарга бекер юридикалык жардам беришет. Анткени, бул адвокаттар үчүн төлөнүүчү кызмат акысы мамлекеттик бюджеттен бөлүнүп берилет. Жалал-Абад шаарынын чок ортосунда жайгашкан “Мир” кинотеатрындагы  кеңседе адвокаттар элге акысыз кызмат көрсөтүп жатат. Ал эми,  иш-чарага катышкан студенттерге, “Юридикалык жардамга муктаждык болгон учурда, “Юридикалык борборлорго” кайрылып, адвокаттардын кызматынан пайдалана аласыздар” – деп билдирди  Кумарбеков Шерзодбек “Саид Ата” коомдук фондунун юристи. Ошону менен катар студенттерге кеңири маалымат берип, суроолоруна жооп берди.






Миссия НИМСИ

(RU) Улучшение здоровья населения стран Центральной Азии и Юго-восточной Азии через подготовку врачей, хорошо знающих и умеющих лечить болезни, наиболее распространенные в этих регионах.

_____________________________________________________________________________________________________

(KG) Борбордук жана туштук-чыгыш Азиядагы калктын ден-соолугун жакшыртууга, ошол аймактагы коп таралган ооруларды жакшы билген жана айыктыра алган дарыгерлерди даярдоо.

_____________________________________________________________________________________________________________________________________________


Эл сыймыгы.

ghtpbr

                 2019-жылдын 5-июль күнү Кыргыз Республикасынын “Кыргыз Туусу” улуттук гезитинин 95 жылдык мааракесине карата өткөрүлгөн иш чарада өлкөбүздө саламаттыкты сактоо тармагынын өнүгүшүнө кошкон салымы үчүн жана Кыргызстандын медициналык күнүнүн урматына Илимий-изилдөө медициналык-социалдык институтунун президентти Арынбаев Жаңыбай Токоевич “ЭЛ СЫЙМЫГЫ” номинациясы менен сыйланды.

                Урматтуу Жаңыбай Токоевич! Сизге жана сиздин үй-бүлөңүзгө ден соолук, аманчылык ар дайым эл ичинде эсенчиликте дагы көп ийгиликтерди багынта бериңиз! Сыйлыгыңыз куттуу болсун!


         аа                             



                 2019-2020- окуу жылынын  алгачкы окумуштуулар кеңешмеси болуп өттү. Кеңешмеде окуу жайдын негиздөөчүлөру менен жолугушуп, 2018-2019-окуу жылынын отчету берилип, жылдык иш-пландар бекитилди.

                ИИМСИнин Окумуштуулар кеңешмесинин чечими менен Арынбаев Жаңыбай Токоевич жана Нурдинов Шамшидин Шабидиновичке профессор наамы ыйгарылды.


                      

       ьпроп      


                                          прпр


Окуу жайдын ардактуу профессору

               Окуу жайдын ачылышына жана өнүгүшүнө өзүнүн зор салымын кошкондугун баалап, ИИМСИнин “Жармухамед” клиникасынын негиздөөчүсү, Кыргыз Республикасынын саламаттык сактоонун ардактуу кызматкери Ахмедов Шавкатбек Джармухамедовичке Илимий-изилдөө медициналык-социалдык институтунун “Ардактуу профессор” наамы ыйгарылды.


лрр

ири




НИМСИ является членом Всемирной Организации Здравоохранения


ВОЗ_НиМСИ

______________________________________________________________________________________________________________________________________________________________________________


Семинары от Агенства аккредитации образовательных программ и организации (ААОПО) проведенные в НИМСИ 17-18 . 06.2019 г. :  

1. Разработка и совершенствование основной профессиональной образовательной программы (ОПОП)

2. Построение системы менеджмента качества в профессиональном учебном заведении

Тренер: Исмаилов Бактыбек Искакович, д.т.н.,  профессор, Академик Академии педагогических и социальных наук (РФ). 


Институционалдык аккредитация жөнүндөгү сертификаты
Сертификат об институциональной аккредитации
Certificate of institutional accreditation
№ VI190000011


Available courses

Кыргызский язык Надырбаева Кутбу Озубековна

Кыргызский язык Надырбаева Кутбу Озубековна

Course

Кыргызский язык Бутаева Н.

Кыргызский язык Бутаева Н.

Course

Русский язык Арзыматова В.

Русский язык Арзыматова В.

Course

Медицинская физика Орозов Р.Н.

Медицинская физика Орозов Р.Н.

Course

Английский язык Осмонова А.

Английский язык Осмонова А.

Course

Уход за хирургическими и терапевтическими больными

Уход за хирургическими и терапевтическими больными

Course

Гистология практический Маматова А.

Гистология практический Маматова А.

Course

Гистология Абдираупов М.

Гистология Абдираупов М.

Course

Гистология Маматова

Гистология Маматова

Course

Медицинская биология Абдыкалил кызы

Медицинская биология Абдыкалил кызы

Course

Медицинская биология Кудайбердиева

Медицинская биология Кудайбердиева

Course

Нормальная анатомия практический 2

Нормальная анатомия практический 2

Course

Нормальная анатомия практический

Нормальная анатомия практический

Омаров Н.
Course

Нормальная анатомия

Нормальная анатомия

Нормальная анатомия
Course

Подготовительный курс по русскому языку

Подготовительный курс по русскому языку

Подготовительный курс по русскому языку
Course


Объявления сайта