2023-жылдын 15-мартында Советтер союзунун баатыры Тукубай Тайгараевдин 100 жылдыгына арналган “Өлбөс эрдик” аталышындагы тегерек стол Табигый-гуманитардык дисциплиналар кафедрасы тарабынан өткөрүлдү. Окуу иштери боюнча проректор тех.и.к., доцент Р.Н.Орозов жана Мамлекеттик тил жана социалдык иштер боюнча проректор К.М.Болотбеков кереге кеңешти официалдуу түрдө ачып беришти.
Иш чара 2 бөлүктөн: I бөлүктө илимий баяндамалар - т.и.к., доцент В.Э.Анарбекова Тукубай Тайгараевдин бейнесинин кошоктордо сүрөттөлүшү; саясий. и.к., доцент А.С.Калиев Тукубай Тайгараев советтик Кыргызстандын патриоту; ф.и.к., доцент А.М.Турдубаева Баатыр Тукубай Тайгараевдин жаш муундарды патриоттук жактан тарбиялоодогу үлгү алчу сапаттары деген темадагы баяндамалар окулуп, кызуу талкуу жаратты.
II бөлүктө Советтер союзунун баатыры Тукубай Тайгараевдин эрдиги камтылган “Баатыр баяны” көркөм тасмасы көрсөтүлдү.
http://nimsi.kg/news/201-lb-s-erdik#sigFreeId2aeac50914